افكار فـ الخير اهتم بـ جنة فواكة

جنة الفواكه

الفاكهه دي امتع شئ في الحياه على الاقل بالنسبه ليا

#اهتم واحسب معايا ...

3 كيلو تفاح بلدي بـ 10 جنيه

2 كيلو عنب بـ 10 جنيه

1 كيلو بلح بـ 10 جنيه

2 كيلو خوخ بـ 10 جنيه

20 طبق فوم كبير بـ 10 جنيه

لفة بلاستك بـ 10 جنيه

احسب معايه كده بقوا كام 60 جنيه# حلو اوي

انت واصحابك كل واحد هيدفع 10 جنيه

وابعتوا حد ينزل يجيب الحاجات المكتوبه ..

هااااااا وبعدين

هقولك بقى :...

اغسل كل الحاجات دي كويس جداً

وبعدين انت واصحابك

 اعملو 10 اطباق فاكهة من الانواع اللي جبتوها

وغلفوا طبق الفاكهه كويس

وانزل وقت اذان المغرب واديه لأي حد ماشي يجرح صيامه لحد ما يروح

او انزل اقرب جامع لبيتك وقت اذان المغرب

وفرق على المصليين عشان يجرحوا صيامهم

فكره بسيطه اوي .... بس كبيره اوي عند ربنا
لازم نحس بغيرنا علشان نلاقي اللي يحس بينا