فك 5 جنيه
----------------------
حد بيقول ...
انا انسان عادي
جداً يمكن اكون شاب او طفل او راجل كبير
ممكن اكون بنت
طفله ست بيت ,
مش مهم اكون ايه
المهم عايز
اتصدق وظروفي على قدي اعمل ايه ؟؟؟
هقولك :. معاك
خمسه جنيه صح ؟
أكيد معاك
روح او روحي فكوها
الى خمسينات قرش فضه ..
فكيتوا ؟
تعالوا بقى ..
أي مكان بتمشوا فيه أكيد في جوامع
أو ناس غلبان ماشيه
او بتبيع مناديل او عمال نظافه
ايه رايك طول مانت
ماشي تدي الناس دي او تحط في الجامع
لحد ما تخلص الخمسه
جنيه
هاااا ؟!
هي فكره حلوه بس ....
ما انا ممكن احط
الـ 5 جنيه علطول لأي حد غلبان او احطها في الجامع مره واحده وخلاص
لازم ايه افضل افك وادور !!!
انت كلامك صح
تقدر طبعاً تعمل ده ...
بس تعرف ايه الفايده
من فك الفلوس ؟؟
اولاً :. هتخليك
تدي اكتر من مكان ,
ثانياً :. هتدرب على انك تتعود تتصدق
هتلاقي نفسك بشكل
لا ارادي
كل ما يبقى معاك حاجه انت عارف المكان
اللي هتروح تدي
فيه
يعني هدفنا مش قيمة المبلغ
الهدف اننا نعود حضرتك
تفكر
في اللي حواليك طول ما انت ماشي
اااااااااااااه
طيب حلوه الفكره بس عندي سؤال ..
س/ أعرف منين الانسان
الغلبان من النصاب اصلي بصراحه النصابين كتروا ؟
ج / متفقه جداً
معاك بس انت مش محتاج تتعب نفسك لمعرفة الغلبان ,
ليه بقى
اولاً : انت قاصد
تعمل خير فأكيد بتعمله لله مش للشخص
ثانياً : ربنا
بيوهب لك الناس اللي تستحق لو نيتك خير هتلاقيهم بيظهروا ادامك من غير ما تحس
وحتى لو كان فيهم
نصاب انت مش خسران حاجه !!
انت بتعمل خير
ليه ؟ علشان خاطر ربنا يرضى عنك وطمعان في الجنه .. صح علشان كده بتتصدق
النصاب بقى بينصب
عليك باسم الله علشان طمعان في متع الدنيا
تخيل مكانتك انت
عند ربنا ومكنته هو !!
هااا متخيل ؟؟!!!
يعني ممكن سبحان
الله يكون النصاب ده سبب انك انت تدخل الجنه
وتكون انت السبب انه يدخل هو
النار ..
وكمان خوفك من ايجاد النصاب
هيخليك تتراجع عن فرصتك
انك ممكن تلاقي حد كان محتاج فعلاً
خد قرار وقول بكره
هنفذ الفكره دي J
لازم نحس بغيرنا
علشان نلاقي اللي يحس بينا
ليست هناك تعليقات:
إرسال تعليق
شكراً لإهتمامك